يارب من ضيقتي ضاقت بـي ثيابـي
وهمـوم صـدري مقطعتـن أزرتهـا
أخيط صبري وأنا ضاغط على أعصابي
ودنياي ماقصرت فـي لـف مكرتهـا
يطوف بي حزني الطاهـر ويسعابـي
وأتممـت للـروح حجتهـا وعمرتهـا
يبست عروقي عطش من حيله أتعابـي
والنفس جاعت وذاقت طعـم حسرتهـا
حاولـت ميـر الآلـم قيـده تلوابـي
وآمالـي إليـا لفـت دنيـاي سرتهـا
من كثر ماأشقيت نفسي صار يشقابـي
الهـم والحـزن واللوعـه وحرتـهـا
أبليس يم الهوى يشعـب لـي ركابـي
ماهوب في مصلحه قصـده مضرتهـا
أنهد حيلي وعزمـي لـو تقـوا بـي
ماتنفعـه قـوه الحيـلـه ووفرتـهـا
اذنبت والذنـب ينـزل بـي ويرقابـي
وأدنـات سيـه تمـر النفـس فرتهـا
يـارب تغفـر لعبـدآ أذنـب وتابـي
دمعه عيونـه بوسـط الخـد جرتهـ
الرئيسية 
التسجيل 
دخول 
